Kush ka mbetur në SHBA për shkak të bllokimit të fluturimeve, ka një tjetër mundësi nesër për t’u kthyer në Shqipëri.
Ambasadorja jonë në SHBA, Floreta Luli Flaber ka zbuluar se nesër do të ketë një fluturim me itinerarin New York – Londër – Tiranë.
Ajo i kujton të gjithë studentët e interesuar të nxitojnë për prenotimet, duke theksuar se në të kundërt, vendet do të vihen në dispozicion të qytetarëve që janë në listë pritjeje. Ambasadorja Flaber thotë se përveç studentëve, përparësi kanë dhe të moshuarit që nuk kanë arritur të marrin kujdesin shëndetësor dhe ilaçet gjatë qëndrimit në SHBA.
NJOFTIMI I AMBASADORES
Nisja me datën 6 maj pasdreke nga Aeroporti JFK, nëpërmjet kompanisë British Airways (fluturim komercial) që mbërrin në Londër në Aeroportin Heathrow më datë 7 maj. Qytetarët shqiptarë që kanë udhëtuar drejt SHBA-së me viza turistike do të pajisen me një vizë (falas) 24-orëshe tranziti në aeroport. Qytetarët që janë të pajisur me green card ose pasaportë amerikane (por që janë shtetas shqiptarë), dalin nga aeroporti me atë dokument. Sapo të dalin nga kontrolli i dokumentave, pasagjerët duhet të marrin bagazhet dhe të drejtohen menjëherë drejt autobuzave që do mundësojnë transportin nga Aeroporti Heathrow drejt Aeroporti Luton nga ku do jete fluturimi tjeter. Fluturimi tjetër drejt Tiranës, mundësohet përmes Air Albania (fluturim riatdhesimi) që niset nga Londra/Aeroporti Luton dhe mbërrin në Tiranë po më datën 7 maj në darkë.
Duke marrë shkas nga kërkesat e larta për fluturime drejt Shqipërisë dhe duke kuptuar që mundësitë për udhëtime drejt Shqipërisë janë gjithnjë e më të pakta, si edhe për ta bërë të mundur procesin e riatdhesimit që ka marrë përsipër Qeveria Shqiptare, Ministria e Energjisë dhe Infrastrukturës dhe Ambasada e Republikës së Shqipërisë në Uashington DC, kanë bërë të mundur ofrimin e këtij udhëtimi përmes një operatori dhe në një paketë të vetme. Kjo paketë do të përfshijë udhëtimin nga Nju Jorku drejt Londrës dhe pasaj drejt Shqipërisë, si dhe transportin me autobuz ndërmjet dy aeroporteve gjatë tranzitit në Londër. Në momentin e rezervimit të biletës, do të deklaroni dhe qytetin ku jetoni në Shqipëri, për udhëzime të mëtejshme që lidhen me procesin e karantinimit (brenda shtëpive tuaja ose sipas udhëzimit përkatës).
Shumë nga ju do duhet të kenë nevojë që të presin dhe biletat e brendshme në USA për të arritur në aeroportin JFK në kohën e duhur.
Për të mundësuar këtë fluturim, ju drejtohemi të gjithë qytetarëve, veçanërisht aty që kanë vendosur emrin në listë pritje të drejtohen tek:
Email : info@globustravelusa.com
Mob : ( 551 ) 265 6279
Mob : ( 914 ) 400-9602
Numri i vendeve është i limituar, përparësi kanë studentët dhe të moshuarit që nuk kanë arritur të marrin kujdesin shëndetësor dhe ilaçet gjatë qëndrimit në SHBA.
Kjo është mundësia e fundit për riatdhesime të organizuara.
Ju urojmë udhëtim të mbarë!
Floreta Luli-Faber
