Naftëtarët e Kuçovës kanë zhvilluar një protestë sot para zyrave të kompanisë Albpetrol. Protesta e tyre ka të bëjë me uljen e pagës me 60% dhe trajtimin e tyre me pagën e luftës.
Ata thonë se kanë punuar nga 16 orë në ditë dhe është e padrejtë që të paguhen me të ashtuquajturën pagë lufte.
Gjatë protestës ata i kanë bërë thirrje kreut të qeverisë që të rishikojë vendimin.
Naftëtarët kanë deklaruar se në rast se vendimi nuk do ndryshojë ata do e përshkallëzojnë lëvizjen duke u futur në grevë.