Të paktën 50 anëtarë të grupit militant Boko Haram u vranë në një sulm ndaj një kampi ushtarak në Nigerin juglindor, njoftuan media lokale, duke cituar një deklaratë të ministrisë së Mbrojtjes.
‘Elementë të armatosur terroristë Boko Haram në rreth 20 automjete sulmuan kampin ushtarak në Toummour në rajonin e Diffa. Përgjigja spontane e forcave tona të mbrojtjes dhe të sigurisë ndihmoi për të zmbrapsur armikun. 50 luftëtarë të Boko Haram u neutralizuan ndërsa një ushtar u plagos. Pas sulmit, përforcimet nga batalioni i ndërhyrjeve speciale të ushtrisë së Nigerisë ndoqën menjëherë armikun në bazën e tij në brigjet e liqenit të Adadit.’ – tha raporti.
Deklarata thotë se ushtria e Nigerit kapi disa të dyshuar, armë dhe sekuestroi dy automjete.
Grupi ka pasur një prani në Nigeri që nga fillimi i viteve 2000 dhe ka vrarë më shumë se 20,000 që nga viti 2009.
