Ministrja e Jashtme gjermane Annalena Baerbock shprehu të dielën shqetësim të thellë për përkeqësimin e gjendjes në Gaza, duke theksuar se “ushtria izraelite duhet të mbrojë më mirë civilët në Gaza”.
“Nuk është e mjaftueshme t’u bëjmë thirrje njerëzve të kërkojnë strehim kur, në fakt, pothuajse asnjë mbrojtje nuk është e mundur në vend,” tha ajo në X.
Baerbock theksoi urgjencën e situatës, duke thënë: “Gjendja e njerëzve në Gaza bëhet më e dëshpëruar çdo ditë e më shumë. Gratë dhe fëmijët po vuajnë më shumë. Ata janë të fundit që hanë dhe janë të parët që vdesin.”
Për të adresuar krizën e përshkallëzuar humanitare, Baerbock njoftoi se Gjermania po rrit angazhimin e saj për të ofruar ndihmë për territoret palestineze, duke ndarë një total prej 179 milionë eurosh.
Izraeli rifilloi ofensivën e tij ushtarake në Rripin e Gazës më 1 dhjetor pas përfundimit të një pauze humanitare njëjavore me Hamasin.
Të paktën 17,700 palestinezë janë vrarë dhe më shumë se 48,780 të tjerë janë plagosur në sulmet e pamëshirshme ajrore dhe tokësore në enklavë që nga 7 tetori pas sulmit ndërkufitar nga Hamasi.
Sipas shifrave zyrtare, numri i të vdekurve izraelitë në sulmin e Hamasit ishte 1200.
