Vendosni fjalën kyçe....

Koronavirusi – Mbyllen mbi 500 lokale në të gjithë Shqipërinë, palestra, bilardo e diskoteka (VIDEO)


Policia e Shtetit njofton se në të gjithë vendin, gjatë mbrëmjes së kaluar janë mbyllur 522 lokale dhe bare, 29 palestra, 65 bilardo, 21 disko e pube dhe 18 lokale me muzike live.

Kjo pasi nuk respektuan rregullat e reja të qeverisë pas rasteve pozitive me koronavirus në vendin tonë. 

Për zbatimin e këtyre masave, u angazhuan mbi 215 Patrulla të Përgjithshme të Policisë.

“Në zbatim të masave për moslejimin e grumbullimeve masive në ambiente të hapura apo të mbyllura, me qëllim parandalimin e përhapjes së coronavirusit, Drejtori i Përgjithshëm i Policisë së Shtetit u ka dërguar një telegram të gjitha Drejtorive Vendore të Policisë në Qarqe, për mbylljen e menjëhershme të lokaleve të natës, pubeve, diskove, palestrave e lokaleve ku ka grumbullimeve masive.

Në zbatim të këtij telegrami, prej mbrëmjes së djeshme, mbi 215 Patrulla të Përgjithshme të Policisë u angazhuan për zbatimin e këtyre masave.

Në të gjithë vendin, u mbyllën gjatë mbrëmjes së djeshme 522 lokale dhe bare, 29 palestra, 65 bilardo, 21 disko e pube dhe 18 lokale me muzike live.

Strukturat e Policisë së Shtetit do të bashkëpunojnë me Inspektoratin Shtetëror Shëndetësor, Institutin e Shëndetit Publik, Njësitë e Qeverisjes Vendore, Prefektët e Qarqeve dhe institucionet e tjera shtetërore që i ngarkon ligji.

Policia e Shtetit kërkon mirëkuptimin e pronarëve të lokaleve që të zbatojnë pa asnjë hezitim urdhrat e përcjella nga punonjësit e Policisë dhe të mos i kundërshtojnë ato, pasi moszbatimi i tyre do shoqërohet me penalitete ligjore.”– thuhet në njoftimin e policisë.

Ndërkohë, ka edhe nga ato lokale që edhe pse nuk e kanë të detyrueshme të mbyllen, kanë zgjedhur të ndërgjegjësohen duke u mbyllur lokalet deri më 3 prill.


Leave a Reply

Your email address will not be published. Required fields are marked *