Vendosni fjalën kyçe....

“Të dënuar për trafik narkotikësh”, OFL i dërgon formularin dy shtetasve nga Lezha


Operacioni Forca e Ligjit ditën e sotme i ka dërguar formularin për deklarimin e pasurisë dy shtetasve banues në Lezhë të cilët më herët janë dënuar për trafik të lëndëve narkotike.

Subjekt i OFL-së janë dy shtetasit me iniciale E.S dhe A.L.

Njoftimi i plotë:

OFL, 21 shkurt
Vijon operacioni Forca e Ligjit, në bashkëpunim me strukturat vendore të Policisë, në zbatim të detyrave të përcaktuara në Aktin Normativ të datës 31 janar 2020, për dërgimin e kërkesave për vetëdeklarim të pasurisë, personave që janë subjekt i këtij ligji.

Në këtë kuadër, OFL u ka dërguar kërkesat për vetëdeklarim të pasurisë, shtetasve: E. S dhe A. L, banues në Lezhë, të dënuar për trafikim të lëndëve narkotike. Brenda 48 orësh, këta individë, si subjekt i Ligjit Special, duhet t’u përgjigjen me shkrim të gjitha pyetjeve të OFL-së. Më pas, përgjigjet e marra do t’i dërgohen SPAK-ut, për veprime të mëtejshme.

Me qëllim evidentimin dhe dërgimin në SPAK, të të gjithë personave që janë subjekt i Ligjit Special, OFL është në veprim të pandërprerë dhe në kryerje të veprimeve komplekse. Për të gjitha nismat procedurale dhe operacionet ekzekutive që do të kryejë, OFL do të informojë publikun në vijimësi.


Leave a Reply

Your email address will not be published. Required fields are marked *