Hungaria mbylli kufirin e saj me Serbinë të enjten, pas ardhjes së qindra emigrantëve të parregullt.
Agjencia Hungareze e Lajmeve raportoi se rreth 500 migrantë të parregullt, përfshirë gra dhe fëmijë, kishin mbërritur në pikën kufitare Kelebia-Tompa.
Emigrantët që duan të hyjnë në Evropën Perëndimore presin që autoritetet hungareze të hapin portën kufitare, thanë autoritetet.
Policia në rrethin Bacs-Kiskun tha se porta ishte e mbyllur për shkak të numrit të madh të migrantëve të parregullt aty.
Hungaria ishte vendi i parë i BE-së që ndërtoi një gardh kufitar në vitin 2015 për të kontrolluar fluksin e refugjatëve përpara se të vuloste kufijtë e saj me Serbinë.
Maqedonia e Veriut dhe Sllovenia gjithashtu ndërtuan gardhe për të kontrolluar lëvizjet e refugjatëve në vitin 2015.
