Një person ka ndërprerë fjalimin e djalit të presidentit Donald Trump, Donald Jr, gjatë eventit në Iowa ku u shpallën rezultatet e garës brenda grupit republikan.
Qytetari akuzoi presidentin se ai ishte përgjegjës për rritjen e antisemitizmit në Amerikë.
“Unë jam një çifut amerikan dhe qysh kur babai juaj u zgjodh president, gjithnjë e më shumë hebrenj po pushkatohen”– bërtiti burri, ndërsa ecte drejt podiumit.
Trump Jr po qëndronte në skenë me të dashurën e tij, Kimberly Guilfoyle, e cila shpejt i vendosi përpara krahun, nga frika se i dashuri i saj do të sulmohej fizikisht.
Wait for it!!!! 😂😂😂😂
🤣.@DonaldJTrumpJr
@kimguilfoyle
@EricTrump pic.twitter.com/kp4E7wwpol— Rena⭐️⭐️⭐️ Text TRUMP 88022 (@ROHLL5) February 4, 2020
Por kjo nuk ndodhi, sepse disa persona e ndaluan qytetarin t’i afrohej atij.
Sidoqoftë, djali i presidentit iu përgjigj atij me fjalët: “Unë nuk mendoj se dikush ka bërë më shumë për Izraelin dhe hebrenjtë amerikanë sesa babai im!”
Personi që shkaktoi këtë incident u largua me forcë nga ekipi i sigurisë, pasi turma filloi të brohoriste ‘SHBA! SHBA!’, duke i dalë në krah djalit të presidentit.
Por më shumë se vetë incidenti, vëmendje të madhe mori gjesti i Kimberly Guilfoyle. Komentuesit në rrjetet sociale e përgëzuan për qëndrimin e saj.
