Të paktën 20 persona vdiqën gjatë një ikjeje në rrëmujë teksa një numër adhuruesish u mblodhën në një festival fetar në rajonin verior të Kilimanxharos në stetin afrikan, Tanzani.
Njerëzit ishin mbledhur dhe u shtypën teksa prisnin për t’u vajisur me vaj ‘të bekuar’ nga një profet i vetëshpallur. Mijëra njerëz u mblodhën në një festival fetar të organizuar nga një kishë Pentecostale në qytetin Moshi, i vendosur në shpatet e malit Kilimanxharo.
Adhuruesit, duke përfshirë gra dhe fëmijë që po prisnin të spërkateshin me vajin e bekuar u shtypën njëri-tjetrin, thanë zyrtarët të dielën.
Në mesin e atyre që vdiqën, 16 janë gra, një burrë dhe tre fëmijë, thanë zyrtarët.
Kippi Warioba, një komisar policie për Kilimanxharon, tha se incidenti ndodhi rreth agimit pasi adhuruesit e shtynë njeri-tjetrin për t’u bekuar nga Boniface Mëamposa, një pastor popullor ungjillor i krishterë.
Sipas Warioba-s, 40 të tjerë që pësuan lëndime trupore janë dërguar në një spital pranë Mawenzi-t për trajtim.
Policia ka nisur kërkimin ndaj pastorit, i cili raportohet se u largua nga vendi i ngjarjes pas incidentit.
