Ka mbërritur në Shqipëri ambasadorja e re amerikane, Yuri Kim. Ajo ka mbërritur në aeroportin e Rinasit dhe pas një ndalese të shkurtër në sektorin’ VIP’ është nisur drejt Tiranës, shkruan TCH.
Kim është diplomatja e tretë femër që do drejtojë Ambasadën Amerikane në Shqipëri. Marisa Lino (1996-1999) e Marcie Ries (2004-2007) kanë qenë më herët shefet e selisë diplomatike amerikane në Tiranë.
Kim është ambasadorja e parë koreano-amerikane dhe ka shërbyer më herët në Departamentin Amerikan të Shtetit si Drejtore e Zyrës së Çështjeve të Evropës Jugore.
Ajo ka qenë edhe drejtoreshë e Qendrës së Departamentit të Shtetit për Studimin e Diplomacisë, Shefe e Stafit për Zëvendëssekretarin e Shtetit dhe Drejtore e Zyrës për Sigurinë Evropiane dhe Çështjeve Politiko-Ushtarake.