María Guadalupe López Esquivel, e njohur gjithashtu si La Catrina, ka ndërruar jetë në spital pas një beteje me armë me ushtrinë, Gardën Kombëtare dhe policinë e shtetit të Michoacán në La Bocanada, Meksikë.
21-vjeçarja dyshohej se ishte shefe e Kartelit të Gjeneratës së Re të Jalisco-s (CJNG) në rajonin Tierra Caliente.
Në media dhe në rrjetet sociale janë shpërndarë pamjet në video të përleshjes së saj me policinë dhe momentin kur ndërron jetë.
21-vjeçarja ishte përfshirë në një sulm kundër ushtrisë, rojes kombëtare dhe policisë në La Bocanda.
Sipas autoriteteve, gjatë përleshjes u kapën gjashtë burra të armatosur dhe një grua u vra pasi ata hapën zjarr ndaj ushtarëve dhe policisë në të njëjtën zonë ku ndodhi prita e tetorit.
Në tetor, mendohet se La Catrina masakroi 13 efektivë policie. Identiteti i gruas së vrarë fillimisht nuk u bë i ditur, por pasi pamjet qarkulluan në rrjet u vu re një tatuazh që e identifikoi La Catrina-n.
Siç shkruan Daily Mail, të dyshuarit e tjerë të arrestuar u identifikuan si Alejandra; Everardo; Brayan Juan; Juan Carlos; Octavio; Pedro; dhe Alejandro. Për shkak të ligjeve të procesit të rregullt ligjor të sistemit gjyqësor meksikan, emrat e fundit të të dyshuarve nuk u bënë të njohur. Gratë ndonjëherë kanë mbajtur pozicione të nivelit të lartë si pastruese parash në kartelet e drogës në të kaluarën, por është e rrallë për ta që një grua të komandojnë ose të koordinojnë skuadrat vrasëse.
