Të paktën 14 njerëz, mes tyre dhe një oficer i lartë, kanë humbur jetën pas një shpërthimi të fuqishëm në një xhami në Pakistanin veriperëndimor.
RT shkruan se shpërthimi goditi një xhami në qytetin e Quetta-s, kryeqyteti rajonal dhe qyteti më i madh i provincës Balochistan së Pakistanit.
Nënkryetari i policisë, Haji Aman Ullah ishte në mesin e të vrarëve në shpërthim. Trembëdhjetë njerëz të tjerë, përfshirë imamin e xhamisë, vdiqën në shpërthim gjithashtu, ndërsa 20 të tjerë u plagosën.
Natyra e saktë e shpërthimit është ende e paqartë. Ministri i Brendshëm Zia Langove e ka quajtur atë tashmë një akt terrorist. 
