Në rrjet kanë nisur talljet me aktorin Laert Vasili, pas incidentit të këtij të fundit në Teatrin Kombëtar ku u përfshi në një debat me artistët dhe aktivistët e Aleancës për Mbrojtjen e Teatrit.
Pak ditë më parë Vasili publikoi një video të këtij debati përmes të cilës akuzonte regjisorin Robert Budina, se e kishte sulmuar fizikisht duke i futur duart në grykë. Por videoja e tij nuk vërtetonte asgjë pasi kjo pjesë e incidentit nuk dukej, përkundrazi Budina kur iu afrua Vasilit mundohej të qetësonte debatin e tij me aktivistët e tjerë.
Vasili publikoi edhe një foto ku shihej në shtratin e një spitali, mirëpo nuk kaloi një ditë kur një tjetër video e publikuar nga Aleanca për Teatrin e nxorri atë zbuluar.
Në video Vasili dukej në gjendje të mirë shëndetësore në momentin kur shoqërohet nga policia. Në këtë video, Vasili i hakërrehej policëve duke iu thënë: “Unë jam Laert Vasili, këta janë anonimë”. Kjo ka bërë që rrjeti të shpërthejë në tallje dhe akuza për Vasilin dhe këto foto janë fryti i imagjinatës së përdoruesve të rrjeteve sociale./Hashtag.al
