Gazetarët pritet të organizojnë një protestë para parlamentit më 19 dhjetor, ditë kur mazhoranca pritet të miratojë dy projektligjet për mediat. Kjo gjë është pohuar nga gazetarja e përfaqësuesja e Shoqatës së Gzetarëve Profesionistë, Mimoza Koçiu.
Në një intervistë për Syri.net ajo tha se nëse mazhoranca e miraton ligjin atëherë të gjitha shoqatat e organizatat që janë kundër këtyre projektligjeve do i drejtohen presidentit Meta për të mos i dekretuar.
‘Nesër do të ketë një tryezë tjetër, ku do mblidhen të gjitha shoqatat e medias, janë 15 por janë ftuar të marrin pjesë të gjithë në orën 11:00, në Hotel Tirana. Do të jetë diçka e rëndësishme ku do të diskutohet për hapat që do të ndërmerren. Propozimi i Shoqatës së Gazetarëve Profesionistë të Shqiperisë është që, nëse qeveria më 19 dhjetor i kalon të dyja projekt-ligjet, ne do i drejtohemi presidentit e do t’i kërkojmë të mos i dekretojë. Ky është hapi i parë.’ – tha Koçiu.
Më tej, Koçiu tha se hapi i dytë do jetë ankimimi në Gjykatën Kushtetuerse i dy projekt-ligjeve në fjalë, ndërsa ritheksoi se gaetarët do jenë në protestë më 19 dhjetor.
‘Më pas duhet parë edhe hapi i dytë, që do të jetë ankimimi në Kushtetuese. Gjithësesi, në datë 19, kur ligjet do të kalojnë në parlament, ne do të jemi atje në protestë. Për herë të parë, të gjitha organizatat e mediave kanë dalë me një qëndrim të përbashkët.’ – shtoi ajo.