Numri i vdekjeve nga sulmi i armatosur në kryeqytetin e Irakut ka shkuar në 25, tha një burim lokal të shtunën.
Rreth 120 persona të tjerë u plagosën në sulmin e armatosur të së premtes nga persona të paidentifikuar në Sheshin al-Hallani në Bagdad, tha burimi, i cili kërkoi të mos publikohej për arsye sigurie.
Autoritetet irakene nuk kanë dhënë ende një deklaratë zyrtare për sulmin. Iraku është tronditur nga protestat masive që nga fillimi i tetorit, duke lënë 460 irakenë të vrarë dhe 17,000 të plagosur, sipas Komisionit të Lartë të Irakut për të Drejtat e Njeriut.
Më 1 dhjetor, parlamenti irakian pranoi dorëheqjen e Kryeministrit Adel Abdul-Mahdi mes protestave kundër korrupsionit dhe kushteve të dobëta të jetesës në vend.
