Vendosni fjalën kyçe....

Akuzohet se përvetësuan ndihmat për banorët e tërmetit, arrestohen 2 policë dhe 1 zjarrfikës


Sërbimi i Çështjeve të Brendshme dhe Ankesave (SHÇBA) ka arrestuar 2 punonës të policisë dhe 1 zjarrëfikës si edhe ka proceduar 2 shtetas në gjendje të lirë me akuzat e përvetësimit të pakove ushqimore të destinuara për banorët e prekur nga tërmeti.

I arrestuar është shtetasi A.Z me detyrë shef seksioni  në Komisariatin e Rinasit për veprën “mashtrim” dhe “shpërdorim detyre”  dhe E.H me detyrë komandat skuadre në Rinas për veprën “shpërdorim detyre”.

Ndërsa është ndaluar edhe shtetasi A.T zjarrfikës në Kombinat për veprën e “Mashtrimit të kryer në bashkëpunim”.

Njoftimi i SHÇBA:

SHÇBA arreston 2 punonjës policie, 1 punonjës të Shërbimit Zjarrfikës, si edhe procedon penalisht 2 shtetase për veprat penale të “Mashtrimit” dhe “Shpërdorimit të detyrës”.

Shërbimi për Çështjet e Brendshme dhe Ankesat ka arrestuar mbrëmë në flagrancë shtetasit:

– A.Z., me detyre Shef i Seksionit të Rendit pranë Komisariatit të Policisë Rinas, për veprën penale të “Mashtrimit në bashkëpunim”;

– E.H., me detyrë Komandant skuadre në Seksionin e Rendit pranë Komisariatit të Policisë Rinas për veprën penale “Shpërdorim detyre”;

– A.T., me detyrë punonjës i shërbimit zjarrfikës pranë PMNZSH Kombinat, për veprën penale të “Mashtrimit, e kryer në bashkëpunim”.

Gjithashtu janë proceduar në gjendje të lirë shtetaset V.Z. dhe Sh.T. për veprën penale të “Mashtrimit”, kryer në bashkëpunim.

Procedimi i tyre u krye pas hetimeve të zhvilluara në lidhje me publikimin e një video në media, ku shfaqeshin pamje të transportimit e përvetësimit të një sasie të konsiderueshme pakosh ushqimore (të sekuestruara në cilësinë e provës materiale) të destinuara për banorët e prekur nga situata e tërmetit.

Materialet hetimore proceduriale do t’i dërgohen Prokurorisë Tiranë për hetime të mëtejshme.

SHÇBA fton çdo qytetar të denoncojë në numrin jeshil 0800 90 00, për çdo rast abuzimi të punonjësve të Policisë së Shtetit, duke garantuar reagim të shpejtë e në kohë.