Operatori i Shpërndarjes së Energjisë Elektrike në vend (OSHEE) ka njoftuar se cilat janë zonat ku vijon të jetë e ndërprerë energjia elektrike.
Sipas OSHEE-së, lëkundjet e tërmetit që goditën vendin sot kanë shkaktuar avari në disa linja dhe objekte ku si pasojë kanë mbetur pa energji Durrësi, Manza, Vora, Golemi dhe Fushë-Kruja.
“Vazhdojnë të mbeten jashtë pune linjat 35kV Shijak-Vorë, Shkozet-Kavajë dhe pjesërisht N/Stacionet dhe Fushë Krujë.
Pa energji elektrike janë zonat Durrës dhe pjesërisht Manza, Vora, Golemi dhe Fushë Kruja”, shkruan OSHEE.
OSHEE thotë se në terren ndodhen brigadat e sektorit “tension i lartë”, nga ku raportohet, rikthimi në punë të N/St Lezhë (pjesa 10kV), N/St Fier (pjesa 35kV) dhe N/St Laç.
Po ashtu janë publikuar edhe disa foto nga kabinat e dëmtuara në Durrës dhe në Laç.
