Një video është bërë virale në rrjet, nga protestat në rrugët e Parisit. Një grup të rinjsh me kapuçë në kokë, tentojnë me shkopinj të thyejnë xhamin e një stacioni autobusi, por dështojnë me sukses.
Siç shkruan RT, ata i përdorën të gjitha çfarë kishin mundësi: shufra metalike, gurë dhe trupat e tyre. Por stacioni i autobusit ishte i pathyeshëm.
Njëri prej djemve bërtet me hidhërim: “por kjo është e pamundur”. Disa përdorues të “Twitter”-it thonë se djemtë i përkisnin Jelekëve të Verdhë, ndërsa të tjerët argumentonin se ata ishin provokatorë të cilët integrohen në turmat e Jelekëve të Verdhë për të kryer akte shkatërrimi gjatë protestave të tyre.
Qëndrueshmëria e xhamit shkaktoi një numër teorish dhe ankesash në rrjet. Disa thonë që ishte një fushatë e fshehtë e marketingut nga ana e prodhuesit të xhamit. Njerëz të tjerë ankohen se pse ky material nuk përdoret për ekranet e telefonit, gjë që do t’i bënte ata të pathyeshëm.
Arrêt de bus : 1 – Gilet Jaune : 0 😂😭 pic.twitter.com/BQAJmYOleS
— ChaLicious 🍯 (@8chaya) November 16, 2019
