Jennifer Lopez dhe i fejuari i saj Alex Rodriguez i kanë dhuruar një shkolle në Tennessee një vlerë për një vit ushqime.
Çifti tha se ata ishin prekur kur kishin parë një postim në “Facebook” të mësueses të shkollës fillore, Brooke Goins, për një nxënës të uritur.
Fëmija kishte zbuluar se ai shkonte në shkollë pa ushqim gjatë një bisede për spagetit.
Lopez tha: “Kjo solli lot jo vetëm në sytë e mi, por edhe për Alex”.
Në postim zonja Goins shkruante se fëmija “e pyeti kur do vinte zonja që i vendos ushqim në çantën e shpinës”.
“Unë i thashë atij se nuk isha e sigurt për këtë javë pasi është një javë e shkurtër. Ai më tha që i kishin mbaruar në shtëpi dhe kishte nevojë për më shumë.”- shton ajo.
Djali i tha mësueses se kur ai hante spageti, e ndihmonin të flinte më mirë gjatë natës.
“Unë e humba, qava përpara 20 njerëzve të vegjël. Asnjë fëmijë nuk duhet të jetë kurrë i uritur, kurrë” – tha mësuesja.
Mësuesit në shkollë pastaj bashkuan paratë e tyre për të blerë ushqimin e nxënësve për disa javë.
Postimi i mësueses tërhoqi vëmendjen e më shumë se 45,000 njerëzve, mes tyre edhe të këngëtares Jennifer Lopez.
Ajo publikoi një video në “Instagram” ku shihej duke folur me mësuesit dhe nxënësit e shkollës.
“Kur dëgjuam për studentët dhe mësuesit e mrekullueshëm në shkollën fillore Jacksboro në Tenneessi, e dinim se duhej të ndihmonim“, shkruan këngëtarja krahas videos.
Sipas statistikave të qeverisë amerikane, rreth gjashtë milion fëmijë në SHBA nuk kanë qasje të mjaftueshme në ushqim.
