Partia Demokratike ka publikuar një video nëpërmjet së cilës tregon 9 kushtet e vendosura nga Bundestagu gjerman për çeljen e negociatave të Shqipërisë me BE-në.
Në video theksohet gjithashtu se Edi Rama është përgjegjësi i vetëm për mosçeljen e negociatave duke qenë se nuk ka dëshirën dhe vullnetin për integrimin e vendit në BE.
Më poshtë janë 9 kushtet e vendosura nga parlamenti gjerman të publikuara në videon e shpërndarë nga selia blu në Facebook.
- Funksionimi i Gjykatës së Lartë dhe asaj Kushtetuese
- Miratimi i Reformës Zgjedhore me pjesëmarrjen e të gjitha forcave politike
- Zbatimi i Reformës Zgjedhore
- Ndjekja penale e akuzave për shitblerjen e votave
- Funksionimi i Prokurorisë Speciale për Luftën ndaj Korrupsionit (SPAK)
- Rezultate në luftën ndaj korrupsionit dhe krimit të organizuar përfshirë edhe ndjekja penale e zyrtarëve të nivelit të lartë
- Përparime në Reformën e Administratës Publike dhe ndëshkimi i zyrtarëve të lartë që kanë shkelur ligjin
- Ndjekja penale e gjyqtarëve dhe prokurorëve që nuk kanë kaluar provimin e Vettingut
- Sqarimi përfundimtar i ligjshmërisë së zgjedhjeve të 30 qershorit 2019 dhe përsëritja e tyre në përputhje me reformën zgjedhore me vendim të Gjykatës Kushtetuese të Shqipërisë
Edi Rama është pengesë për plotësimin e këtyre kushteve. Atij i mungon dëshira dhe vullneti për progresin e Shqipërisë prandaj u refuzua sërish nga BE
Shqipëria nuk mund të jetë më peng i dështimit dhe mashtrimeve të një njeriu
Për një Shqipëri si gjithë Europa”.
