617 kg kokainë e pastër është sekuestruar nga policia federale braziliane në një zonë rurale në Brasnorte.
Lënda narkotike ishte fshehur në trupin e një kamioni, i cili gjendej në një zonë rurale. Katër persona përfunduan në pranga.
Sasia e lëndës narkotike sipas policisë braziliane kapte shifrën e 9 mln dollarëve dhe kishte si destinacion Evropën.
Në një nga pakot e drogës të ekspozuara nga media brazliane CÁCERES NOTÍCIAS, shihet me logon e klubit të Elbasanit.
Përveç drogës, u sekuestrua edhe kamioni dhe dy automjete tip Fiat, të cilët shërbenin për kontrollin e rrugës teksa shoqëronin kamionin. Koordinatori i Grupit, Nantel Col. José Nildo de Oliveira, theksoi se kokaina e pastër ka vlerë më të madhe tregtare se sa llojet e tjera të narkotikëve.