Vendosni fjalën kyçe....

PD për Samitin ku Shqipëria doli “duarthatë”: Rikonfirmoi izolimin ekonomik dhe politik të vendit


Partia Demokratike ka reaguar lidhur me lajmin se Shqipëria doli “duarthatë” nga Samiti i Poznanit, ku të gjitha vendet e rajonit përfituan donde nga BE-ja për disa projekte, por Shqipëria jo.

Vlera e përgjithshme e 8 projekteve të miratuara llogaritet në 782 milionë euro në fushat e transportit rrugor, hekurudhor dhe sistemin energjitik.

Ish-deputeti Agron Shehaj, përmes një deklarate për mediat,  tha se Samiti I Poznanit në Poloni, rikonfirmoi izolimin e plotë ekonomik të Shqipërisë.

Ndërsa të gjitha vendet e tjera të Ballkanit morën dhjetra e qindar miliona euro falas, Shehaj thotë se e vetmja gjë që mori Shqipëria nga ky Samit ishte një foto e kryeministrit Rama për “Facebook”

Sipas zyrtarit të PD-së, Shqipëria dhe Koreja e veriut janë të vetmet vende në botë që nuk kanë patur investime të huaja në këto 6 vite.

DEKLARATË E SHEHAJT

Ekonomikisht, Sot Shqipëria është më e izoluar se kurrë ndonjëherë gjatë 30 viteve të fundit.
Sot Shqipëria është vendi më i izoluar nga tregu dhe ekonomia europiane. 

Praktikisht jemi vendi më i papërgatitur në Evropë për t’u bërë pjesë e tregut të përbashkët europian.
Samiti i Poznanit i vendeve të Ballkanit Perëndimor e rikonfirmoi izolimin ekonomik dhe politik të Shqipërisë dhe paaftësinë e vendit tonë për të qenë pjesë e ekonomisë europiane. 
Shqipëria nuk mori asgjë nga ky samit, asnjë qindarkë dhe asnjë mbështetje ekonomike.

Të gjitha vendet e tjera të Ballkanit morën dhjetra e qindra miliona euro falas, kurse Shqipëria mori një foto me të cilën mburret Kryeministri në Facebook.

Është e njejta histori që përsëritet në të gjitha takimet e Procesit të Berlinit. Shqipëria shkon e papërgatitur, pa projekte dhe propozime. Shqipëria shkon si vendi më i korruptuar në Evropë
Shqipëria shkon si vendi me një qeveri të kapur nga krimi. Korrupsioni dhe lidhjet me krimin janë arsyeja pse BE nuk i jep Shqipërisë asnjë qindarkë.

Para katër muajsh, Komisioni i Buxhetit te Parlamentit Europian deklaroi se:

 “Shqipëria nuk ka asnjë kapacitet për të thithur më shumë fonde të BE-së se sa asistenca teknike që mer aktualisht dhe pandaj BE nuk duhet të rrisë fondet për Shqipërinë”.

Ekonomia është katastrofa më e madhe e qeverisjes së “Rilindjes”. I vetmi projekt ekonomik i Edi Ramës ka qenë vënia nën kontroll e të gjithe ekonomisë së vendit.

Të vetmet politika ekonomike të qeverisë kanë qenë grabitja dhe privatizimi de fakto i pasurive të Shqiëprisë në duart e Edi Ramës dhe një grushti klientësh të tij.

Koncesionet kanë patur vetëm qëllimin e grabitjes së pasurive dhe pronave publike. Kontratat publike kanë patur vetëm këtë qëllim. Ligjet ekonomike, që nga ligji i invesitmeve strategjike, tek ai i Korporatës së Investimeve,  tek ai për shitjen e pronave publike e deri tek ligjet special si ai i teatrit kanë patur qëllim vetëm grabitjen e Shqiëprisë

Për ta realizuar këtë plan Edi Rama ka qenë i interesuar për izolimin ekonomik të Shqipërisë. Që të mos ketë trysni nga kompanitë dhe qeveritë  e huaja,  në mënyrë të qëllimshme EdI Rama e ka izoluar ekonomikisht Shqiëprinë nga bota, duke mbajtur larg projektet e huaja dhe investitorët e huaj.

Shqipëria dhe Koreja e veriut janë të vetmet vende në botë që nuk kanë patur investime të huaja në këto 6 vite. Zero investime të reja ka marrë Shqipëria nën qeverisjen Rama.

Qeveria ka mbajtur larg çdo biznes të huaj për t’u përfshirë në Shqipëri. Miliarda euro koncesione janë dhënë por asnjë prej tyre  nuk i është dhënë ndonjë kompanie të huaj. Të gjitha u janë dhënë kompanive të klientëve të qeverisë, pa asnjë kapacitet dhe përvojë.

 Nga ana tjetër, qeveria qëllimisht ka nxitur largimin e investitorëve perendimorë duke i zëvendësuar ata me lindorë ose vendas. Nga Deutsche Telecom dhe T-mobile tek Sheratoni, tek bankat më të rëndësishme franceze dhe kompanitë farmaceutike më të mëdhaja në botë janë larguar.

Të gjithë janë zëvendësuar me investitorë lindorë osë shqiptarë.

Nga bregdeti tek nafta, kromi dhe pasuritë nëntokësore;

Tek aeroportet, portet dhe rrugët kombëtare;

Tek shëndetësia dhe arsimi;

Çdo gjë është vënë nën kontroll nga një grusht klientësh të qeverisë, të cilët janë biznesmenë grabitqarë që vetëm vjedhin, nuk krijojnë dhe nuk prodhjojnë.

Në vend të mundësive Edi Rama u afroi shqiptarëve si model ekonomik Drogën.
Ekonomia e drogës po mbizotëron në tregun vendas. Po furnizon ndërtimet e shumta pa efikasitet ekonomik. Po mbështet luksin e shfrenuar. Droga po shkatërron  strukturën ekonomike të vendit. Ekonomia shqiptare tashmë bazohet në grabitjen dhe paratë e pista.

Rezultati i kësaj katastrofe ekonomike të Edi Ramës është mungesa e mundësive ekonomike, moskrijimi i vendeve të reja të punës, papunësia dhe varfëria për qytetarët shqiptarë.

Nga mungesa e mundësive Shqiptarët po largohen nga vendi, po ikën veçanërisht rinia, profesionistët, Mjekët, inxhinierët, po ikin zanatçinjtë, Teknikët, elektricistët, marangozët

Ky shkretim i Shqipërisë nga njerëzit po e thellon prapambetjen ekonomike dhe varfërinë e vendit.
Rrëzim i këtij modeli ekonomi eshtë prioritet kombëtar.

Partia Demokratike i fton të gjtihë shqiptarët, të protestojmë nesër së bashku:

Edhe kundër varfërisë;

Edhe kundër shkatërrimit ekonomik;

Për një Shqipëri të mirëqenies dhe mundësive për të gjithë!

 

 


Leave a Reply

Your email address will not be published. Required fields are marked *