Ministria e Punëve të Jashtme të Greqisë ditën e sotme ka publikuar një deklaratë pas progres raportit të Komisionit Evropian duke theksuar se mbështet integrimin e Shqipërsië por duhet të plotësojë kushtet për respektimin e pakicave.
Në deklaratë, gjithashtu, tërhiqet vëmendja për moslejimin e kandidimit të Fredi Bejelerit në zgjedhjet lokale.
Deklarata e plotë:
Greqia po punon për të përmirësuar marrëdhëniet dypalëshe me Shqipërinë dhe po mbështet fuqimisht rrugën e anëtarësimit të saj në Bashkimin Europian, në kushtet e vetëkuptueshme që vlen për të gjitha vendet anëtare, duke përmbushur më parë të gjitha kushtet përkatëse.
Siç është e qartë në raportin përkatës të Komisionit Evropian, respektimi i të drejtave të pakicës kombëtare greke lidhet drejtpërdrejt me perspektivën europiane të Shqipërisë dhe është pjesë përbërëse e 5 Prioriteteve kryesore për hapjen e negociatave të pranimit të Shqipërisë në Bashkimin Europian, përmbushja e të cilit do të trajtohet ekskluzivisht nga Këshilli i Europës.
Në këtë kontekst, ne presim me siguri të plotë për vetëvendosjen e pakicave në të gjithë territorin shqiptar, një masë që Shqipëria premtoi ta miratojë deri në maj 2018, si dhe zbatimin e ligjit të pronësisë për të drejtat e anëtarëve të minoriteteti grek për të fituar titujt e pronësisë.
Në vend të kësaj, vërejmë përpjekjet në ngjarjet e fundit që synojnë të anullojnë kandidaturën e kreut të Omonias, Fredi Bejlerit, në zgjedhjet e ardhshme komunale. Këto veprime shkelin të drejtën e patjetërsueshme të përfaqësimit politik të minoritetit grek në zgjedhjet komunale në Himarë.
Ne i bëjmë thirrje Shqipërisë që të kthehet në drejtimin e progresit, në vend që të bëjë hapa mbrapa, në mënyrë që të vazhdojë kursin e saj drejt integrimit.
