Një shqiptar 36-vjeçar u qëllua me armë zjarri mbrëmjen e së mërkurës në një park të vogël në Hamburg-Rahlstedt.
Mediat gjermane shkruajnë se shqiptari është qëlluar nga një mik që me shumë gjasa ishte gjithashtu shqiptar.
36-vjeçari ishte i shoqëruar nga një grua, kur ishte ndeshur me një person tjetër. Sipas gruas, ata të dy folën shqip dhe më pas ai i tha të shtrihej përtokë dhe të mbulonte fytyrën, ndërsa qëlloi me armë 36-vjeçarin.
Plumbi e preku shqiptarin 36-vjeçar në shpatull dhe e plagosi rëndë. Falë kujdesit mjekësor, shqiptari nuk është më në rrezik për jetën.
Pritet që së shpejti ai të merret në pyetje, për të zbuluar identitetin e autorit. Deri më tani, hetuesit e komisionit të vrasjes të Zyrës Shtetërore të Hetimeve Penale, janë mbështetur vetëm në gjurmët e vendit të ngjarjes dhe në deklaratat e gruas.
Për këtë arsye, policia kërkon dëshmitarë të cilët e kanë parë krimin ose mund të japin informacione për personat e përfshirë.
#Hamburg – Ein Mann wird im Rettungswagen vom Notarzt versorgt – angeblich angeschossen! pic.twitter.com/eFj0yJWEyD
— Thomas Knoop (@Thomas_BILDde) May 22, 2019
