Vendosni fjalën kyçe....

17 të vdekur nga shpërthimi i minierës në Ukrainë


Numri i të vdekurve nga shpërthimi i minierës së qymyrit në një rajon separatist lindor të Ukrainës u rrit në 17 të shtunën, thanë autoritetet rebelë.

Nga shpërthimi i gazit në  një minierë në Ukrainë kanë humbur jetën 17 persona. Miniera ku ka ndodhur incidenti gjendet në fshatin Yurivka, që ndodhet në territorin e kontrolluar nga separatistët që mbështeten nga Rusia.

Liderët separatistë që kontrollojnë minierën, thanë se të gjithë trupat e minatorëve të zhdukur janë gjetur.

“Tragjedia mori jetën e 17 minatorëve“, tha në Twitter, Leonid Pasechnik, kreu i republikës së vetëshpallur të Luhansk, që u nda nga Kievi në vitin 2014 dhe drejtohet nga rebelët e mbështetur nga Moska.

Deri dje numri i të vdekurve llogaritej në 13, derisa u bënë publike të dhënat zyrtare.

Pasechnik e quajti shpërthimin në minierën e Skhidkarbonit një “tragjedi të tmerrshme” dhe e deklaroi 29 prillin një ditë zie.

Ministria e situatave emergjente të Rusisë dërgoi ekipin e shpëtimit në territorin separatist pasi kërkoi ndihmë. Punëtorët e shpëtimit nga Qeveria ukrainase nuk kanë pasur qasje zyrtare për të shkuar në këtë minierë.

Agjencia e lajmeve Luhansk, tha se miniera u mbyll në 2014 për shkak të konfliktit midis forcave të Kievit dhe separatistëve të mbështetur nga Rusia, por u rihap në vitin 2018.

Shumica e qymyrit të Ukrainës prodhohet në rajonin e saj lindor, ku lufta e vazhdueshme u ka kushtuar  jetët rreth 13,000 personave.


Leave a Reply

Your email address will not be published. Required fields are marked *