Qindra qytetarë kanë dalë të protestojnë sot përpara bashkisë së Maliqit. Sikurse shihet edhe në pamjet e mëposhtme, protestuesit kanë bllokuar bulevardin kryesor të qytetit.
“Rama ik”, “Shqipëria jo e oligarkëve”, “Qeveria të mbajë premtimet”, “Mbështesim studentët”, janë disa prej pankartave të cilat qytetarët i mbajnë në duar.
Sakaq një kordon policie është vendosur në hyrje të bashkisë, duke ndarë protestuesit nga godina.
Të pranishëm janë edhe ish-deputetët demokratë të zonës Ervin Salianji e Klevis Balliu.
“E duam Shqipërinë si gjithë Europa, poshtë kriminelët dhe poshtë hajdutët”, është thirrja kryesore e këtyre banorëve.
“Ik ose do të të përzëmë ne me zor. O hajdut”, thërrasin banorët e Maliqit kundër Ramës.
