Kryetari i Grupit Parlamentar të LSI-së, Petrit Vasili reagoi menjëherë pas krahasimit që kryeministri Edi Rama bëri në lidhje me vendimin e opozitës për të djegur mandatet.
Në profilin e tij në Facebook, Vasili shkruan se Rama si hajdut, gjen Juventusin të krahasohet.
“Edi Rama si hajdut krahasohet me Juventusin qe vodhi kampionatin.
Po ç’është ky idiot kryeminister!
Shpjegojani rrypit, që kur Juventusin e zunë qe vidhte kampionatet me manipulime e blerje arbitrash, e bënë shembull ja hoqën kampionatin dhe e çuan në Serinë B.
Po ky shpirtin tek hajdutllëqet e ka, ndaj edhe shembujt me hajdutllëqe i jep, ndaj e krahason veten me Juventusin”- shkruan Vasili.
