Pas procedimeve në Tiranë, vijnë procedimet penale edhe në qytetin e Korçës. Pas protestës së djeshme, policia ka nisur hetimet për të zbuluar se cilët janë protestuesit që bllokuan pasditen e djeshme aksin rrugor Korçë-Pogradec.
Tubimi i djeshëm është konsideruar i paligjshëm, ndërsa flitet se janë proceduar penalisht 15 persona, por ende nuk ka asnjë konfirmim zyrtar.
Protestuesit dje bllokuan rrugën për rreth një orë, duke pezulluar qarkullimin e automjeteve. Fermerë dhe studentë morën pjesë në këtë tubim, që ishte në vazhdën e tubimeve që u zhvilluan dje në të gjithë Shqipërinë.
