Edhe banorët Astirit kanë dalë sërish në protestët sot për projektin e “Unazës së Re”. Ata kanë bllokuar sërish aksin rrugor nga “Sheshi Shqiponja” te “Pallati me Shigjeta”.
Ata kërkojnë dëmpërblim për banesat e tyre dhe këtë projekt e quajnë korruptiv.
“Nuk lejojmë ndërtim në rrugë por jo më në shtëpitë tona. Ata po largohen si minjtë para nesh. Larg nga Unaza e Re. Mos na provokoni me punonjës të ARRSH-së se nuk do të dilni mirë. Projekti i korruptuar, prokuroria të pezullojë punimet. O Ervin o legen shtëpitë tana nuk i shemb.”, u shpreh një banor i “Unazës së Re”.
“Larg shtëpive tona”, “O Erion o legen”, “Rama i hajdut”, janë disa nga pankartat që banorët mbajnë në duar.
