Presidenti i Republikës Ilir Meta, ditën e sotme ka zhvilluar një vizitë në Komunën e Rozhajës në Malin e Zi.
Ashtu sikurse në rastin e fshatit Mexhitli në Maqedoni, edhe këtu është hera e parë që një President i Shqipërisë viziton këtë komunë ku banojnë shqiptarë.
Meta është pritur ngrohtë nga dhjetëra banorë shqiptarë të Rrozhajës e zonave përreth që kishin dalë për ta përshëndetur, si edhe nga zv/Kryeministri i Malit të Zi, Rafet Husoviç ministra dhe deputetë të tjerë.
Presidenti mori pjesë si i ftuar nderi në veprimtarinë tradicionale kulturore “Ora e Maleve”, nga ku u ka uruar shqiptarëve të Rozhajës dhe Malit të Zi “Gëzuar Festën e Flamurit Kombëtar!”
