Gjykata e Posaçme Kundër Korrupsionit dhe Krimit të Organizuar ka rrëzuar kërkesën e ish-ministrit të Shëndetësisë, Ilir Beqaj, për zëvendësimin e masës së sigurisë në lidhje me çështjen “SASPak”.
Me vendimin e fundit, gjykata ka lënë në fuqi masën “arrest në burg” ndaj ish-ministrit, i cili ndodhet në paraburgim që prej korrikut të vitit 2024.
Beqaj kishte kërkuar ndryshimin e masës së sigurisë, por kërkesa e tij nuk u pranua nga trupa gjykuese e GJKKO-së. Ish-ministri po hetohet nga Struktura e Posaçme Kundër Korrupsionit dhe Krimit të Organizuar në kuadër të dosjes së njohur si “SASPak”.
