Presidenti amerikan Trump e hodhi poshtë deklaratën e propozuar të G7-ës mbi Iranin, sepse ajo kërkonte mbikëqyrjen e veprimtarive bërthamore të Iranit, në vend të një ndalimi të plotë të programit të pasurimit bërthamor të Iranit.
Administrata Trump ka kërkuar që Irani të ndalojë të gjithë pasurimin e uraniumit, pasi pasurimi përtej një niveli të caktuar nuk ka qëllim tjetër përveç zhvillimit të izotopit unik të nevojshëm për armët bërthamore, shkruan Breitbart.
Irani ka kundërshtuar të bjerë dakord, duke çuar në bllokim të bisedimeve bërthamore dhe duke e shtyrë Izraelin të sulmojë Iranin të premten e kaluar në vend që të përballet me perspektivën e një arme bërthamore iraniane të afërt.
Gazeta Telegraph raportoi:
“Gazeta Telegraph mësoi se ishte qarkulluar një draftdokument që u bënte thirrje të dyja palëve të mbronin civilët dhe të mbikëqyrnin me kujdes objektet bërthamore të Iranit. Kjo ishte e papranueshme për Trump, i cili kërkon që Iranit të mos i lejohet asnjë veprimtari pasurimi e uraniumit. Mund të konfirmoj se ai nuk e nënshkroi deklaratën,” tha një zyrtar i lartë amerikan.
Sa i përket “të dyja palëve” që mbrojnë civilët, Izraeli ka synuar vende ushtarake dhe qeveritare dhe u ka dhënë civilëve paralajmërim paraprak për t’u evakuuar, ndërsa Irani ka lëshuar raketa balistike në qendrat e popullsisë civile, pa asnjë objektiv legjitim ushtarak.
Trump u tha gazetarëve në samitin e G7 në Kananaskis, Alberta, Kanada, se Irani duhet të flasë “menjëherë” për kompromisin mbi programin e tij bërthamor.
