Elon Musk tha se Tesla do të fillojë të lansojë modele vetë-drejtuese pa nevojë për mbikëqyrje në Austin, Teksas, deri në qershor, dhe në disa qytete të tjera të SHBA deri në fund të vitit. Gjatë thirrjes për fitimet e tremujorit të katërt të mërkurën, CEO i Tesla dhe drejtues të tjerë ndanë gjithashtu informacione mbi prodhimin e robotëve humanoidë Optimus dhe një model automjeti më të përballueshëm.
ÇKy takim shënon një nga paraqitjet e para publike të Musk që nga marrja e rolit të tij të ri në SHBA si kreu i Departamentit të Efikasitetit të Qeverisë (DOGE) pas inaugurimit të Presidentit Donald Trump.
Musk tha se kompania ka në plan të nisë mijëra automjete pa shofer si një shërbim robotaksi në qytetin ku ndodhet selia e saj. Po ashtu, ai theksoi se pronarët do të kenë mundësinë të shtojnë automjetet e tyre Tesla në flotën e robotaksive kur të jenë jashtë qytetit deri në vitin 2026, në një model të ngjashëm me atë të Airbnb.
“Këto Tesla do të jenë në rrugë pa asnjë njeri në to në qershor,” tha Musk. “Kjo nuk është një situatë mitike dhe e largët. Është fjalë për fjalë pesë, gjashtë muaj larg.”
