Breshëri të shtënash me armë u dëgjuan në ndërtesën e Senatit në Manila më herët gjatë së mërkurës dhe njerëzit brenda u detyruan të kërkonin strehim.
Ende nuk është e qartë kush ka qëlluar. Nuk pati raportime të menjëhershme për viktima.
Skenat kaotike ndodhën pasi Ronald dela Rosa, i kërkuar nga Gjykata Ndërkombëtare për Krime Kundër Njerëzimit, tha se arrestimi i tij ishte i afërt dhe u bëri thirrje njerëzve të mobilizoheshin për ta parandaluar atë.
Dela Rosa ishte strehuar brenda Senatit që nga e hëna, kur urdhër-arresti i ICC-së ndaj tij u bë publik.
Urdhërarresti lidhet me periudhën kur dela Rosa ishte shef i policisë nën ish-presidentin Rodrigo Duterte. Dela Rosa ishte zbatuesi kryesor i “luftës kundër drogës” të përgjakshme të Duterte.
Vetë Duterte akuzohet gjithashtu për krime kundër njerëzimit dhe ndodhet në Hagë në pritje të gjykimit në ICC.
Dela Rosa ka mohuar përfshirjen në vrasje të paligjshme.
“Po ju bëj thirrje, shpresoj të më ndihmoni. Mos lejoni që një tjetër filipinas të dërgohet në Hagë,” tha ai në një video të publikuar nga zyra e tij në Senat.
Siç u raportua më herët, ministri i Brendshëm Jonvic Remulla tha se dela Rosa ishte i sigurt dhe dëshironte të pushonte në zyrën e tij. Remulla tha se e kishte siguruar dela Rosën se nuk do zbatohej asnjë urdhërarresti.
Siç raportuam më herët, presidenti filipinas Ferdinand Marcos Jr. tha se qeveria nuk ishte e përfshirë në të shtënat me armë në Senat.
Më herët, sekretari i Senatit, Mark Llandro Mendoza, tha se oficerë të zbatimit të ligjit, që besohet se ishin nga Zyra e Investigimit, kishin tentuar të hynin në Senat dhe kishin qëlluar me armë gjatë tërheqjes.
Por drejtori i NBI-së, Melvin Matibag, i tha GMA News se nuk ishte dërguar asnjë agjent.
Gazetarët e Reuters brenda ndërtesës panë më shumë se 10 ushtarakë me uniforma kamuflazhi të mbërrinin, disa prej tyre të armatosur me pushkë automatike.
Shefi i zyrës së marrëdhënieve publike të ushtrisë, Xerxes Trinidad, i tha Reuters se Senati kishte kërkuar ndihmë për “ta asistuar në sigurimin e objektit”.
Ministri i Brendshëm Jonvic Remulla tha se mbetet e paqartë kush qëlloi me armë dhe se do të duhet të kontrollohen pamjet e kamerave të sigurisë.
Dela Rosa akuzohet nga ICC për krime kundër njerëzimit lidhur me luftën kundër drogës që ai mbikëqyri si shef i policisë nën presidentin e atëhershëm Rodrigo Duterte.
64-vjeçari ka mohuar përfshirjen në vrasje të paligjshme.
Kur Duterte mori presidencën në qershor 2016, ai emëroi dela Rosën, ish-shefin e tij të policisë në Davao City, në krye të, post që e mbajti për 21 muaj.
Duterte i dha atij autoritet të gjerë për të përsëritur modelin e luftës kundër krimit të Davaos në të gjithë vendin.
“Ai po ma lë gjithçka mua,” i tha dela Rosa Reuters në atë kohë. Ai njihet gjerësisht me nofkën “Bato” ose “Shkëmbi”.
Në ditën e tij të parë si shef i policisë kombëtare, dela Rosa nxori një urdhër për nisjen e një fushate kombëtare kundër drogës, për të përmbushur premtimin elektoral të Duterte.
Programi, i quajtur “Project Double Barrel”, ishte modeluar sipas strategjisë policore të Davao City dhe synonte “neutralizimin e personave të përfshirë në trafik droge në shkallë kombëtare”. Pas nisjes së tij pati një rritje të fortë të vrasjeve.
Pas largimit nga policia, dela Rosa u emërua drejtor i përgjithshëm i Zyrës Kundër Korrupsionit, përpara se të hynte në garën për Senatin në zgjedhjet kombëtare të vitit 2019. Ai fitoi, duke u renditur i pesti me më shumë se 19 milionë vota.
Ai kandidoi dhe fitoi një mandat të dytë si senator në maj 2025.
