Presidenti i Republikës, Bajram Begaj, ka përcjellë një mesazh urimi për besimtarët me rastin e Pashkës katolike, duke theksuar rëndësinë e kësaj dite si simbol i shpresës dhe triumfit të së mirës.
Në mesazhin e tij, kreu i shtetit nënvizoi se kjo festë përfaqëson besimin te jeta si një forcë e pashtershme që udhëheq njerëzimin drejt së mirës.
“Gëzuar Pashkën!
Pashka është besimi se e mira fiton mbi të keqen, mundimi mbi padrejtësinë, dashuria mbi forcën dhe drita mbi errësirën.
Pashka është besimi se jeta është forca e pashtershme që na udhëheq.
Pashka është shpresë dhe gëzim. Kjo festë na kujton se Zoti nuk na braktis kurrë dhe se dashuria e Tij është më e fortë edhe se vdekja.
Uroj që kjo ditë e shenjtë të sjellë gëzim, paqe dhe bekime në familjet tuaja!”, shkruan Begaj.
