Shirat e dendur që kanë goditur shtetin më jugor të Brazilit, Rio Grande do Sul, kanë vrarë 39 persona, thanë zyrtarët të premten dhe numri i të vdekurve pritet të rritet pasi dhjetëra të zhdukur ende nuk janë llogaritur.
Autoriteti i Mbrojtjes Civile të Rio Grande do Sul tha se 68 persona ishin ende të zhdukur dhe të paktën 24,000 ishin zhvendosur pasi stuhitë prekën më shumë se gjysmën e 497 qyteteve në shtetin që kufizohet me Uruguain dhe Argjentinën.
Në disa qytete, rrugët u kthyen në lumenj ndërsa pati shkatërrime të shumta rrugësh e urash. Stuhia shkaktoi gjithashtu rrëshqitje dheu dhe shembje të pjesshme të një strukture dige në një hidrocentral të vogël.
Një digë e dytë në qytetin e Bento Goncalves është gjithashtu në rrezik të shembjes, thanë autoritetet, duke urdhëruar njerëzit që jetojnë aty pranë të evakuohen.
