Izraeli braktisi bisedimet e armëpushimit për luftën në Gaza në Kajro të dielën pasi Hamasi hodhi poshtë kërkesën për një listë të plotë me emrat e pengjeve që janë ende gjallë, raportoi një gazetë izraelite.
Një delegacion i Hamasit mbërriti në Kajro për bisedimet, të cilësuara si një pengesë e mundshme përfundimtare përpara një marrëveshjeje që do ndalonte luftimet për gjashtë javë. Por në mbrëmjen e hershme nuk kishte asnjë shenjë të izraelitëve.
“Nuk ka asnjë delegacion izraelit në Kajro,” citoi media izraelite Ynet, që citoi zyrtarë të paidentifikuar izraelitë.
“Hamasi kundërshton të japë përgjigje të qarta dhe për këtë arsye nuk ka asnjë arsye për të dërguar delegacionin izraelit.”
Uashingtoni ka këmbëngulur se marrëveshja e armëpushimit është afër dhe duhet arritur në kohë për të ndalur luftimet deri në fillim të Ramazanit, që është një javë larg. Por palët ndërluftuese kanë dhënë pak shenja në publik për t’u larguar nga kërkesat e mëparshme.
Pasi delegacioni i Hamasit mbërriti, një zyrtar palestinez i tha Reuters-it se marrëveshja “nuk ishte ende afër”. Nga pala izraelite nuk ka pasur asnjë koment zyrtar.
Një burim i informuar mbi bisedimet kishte thënë të shtunën se Izraeli mund të qëndronte larg Kajros nëse Hamasi nuk paraqiste fillimisht listën e tij të plotë të pengjeve që janë ende gjallë. Një burim palestinez i tha Reuters-it se Hamasi deri më tani e kishte hedhur poshtë këtë kërkesë.
Në negociatat e kaluara Hamasi ka kërkuar të shmangë diskutimin e mirëqenies së pengjeve individuale deri në përcaktimin e kushteve për lirimin e tyre.
Një marrëveshje do sillte armëpushimin e parë të zgjatur të luftës, e cila ka zgjatur për pesë muaj deri tani me vetëm një pushim njëjavor në nëntor. Dhjetra pengje të mbajtura nga militantët do liroheshin në këmbim të qindra të burgosurve palestinezë.
Ndihma do rritet për banorët e Gazës që janë në kolaps të plotë të urisë. Luftimet do ndërprisnin me kohë një sulm të planifikuar izraelit në Rafah, ku më shumë se gjysma e 2.3 milionë banorëve të Gazës janë mbyllur brenda gardhit kufitar jugor të enklavës që i afrohet Egjiptit. Forcat izraelite do tërhiqen nga disa zona dhe do t’i linin banorët e Gazës të ktheheshin në shtëpitë e braktisura.
Por propozimi duket se nuk përmbush kërkesat kryesore të Hamasit për një fund të përhershëm të luftës, duke lënë gjithashtu të pazgjidhur fatin e më shumë se gjysmës së më shumë se 100 pengjeve të mbetura.
Ndërmjetësuesit egjiptianë kanë sugjeruar se këto çështje mund të lihen mënjanë tani për tani, me garanci për t’i zgjidhur ato në fazat e mëvonshme. Një burim i Hamasit i tha Reuters se militantët ishin ende në pritje për një “marrëveshje”.
