Mijëra njerëz marshuan në rrugët e qyteteve të mëdha evropiane për të bërë thirrje për një armëpushim të menjëhershëm në Gaza, ndërsa numri i të vdekurve në enklavën palestineze u afrua në rreth 30,000 pas sulmeve izraelite që nga 7 tetori.
Marshuesit në Londër u mblodhën në “Marble Arch” për të nisur marshimin në Ditën Globale të Veprimit, organizuar nga grupet me bazë në Mbretërinë e Bashkuar dhe grupet e veprimit në Palestinë. Procesioni ndoqi rrugët kryesore në qendër të Londrës për të arritur deri te ambasada izraelite.
Marshimi ishte një nga më të mëdhatë pro-palestineze të mbajtura në Londër që nga 7 tetori. Në të morën pjesë edhe një grup protestuesish hebrenj.
Në kryeqytetin irlandez Dublin, dhjetëra mijëra njerëz u mblodhën për të bërë thirrje për veprim në Gaza dhe një armëpushim të menjëhershëm.
Kryeqyteti spanjoll Madrid pa mijëra protestues që marshuan për t’i dhënë fund gjakderdhjes në Gaza.
Në qytetin gjerman të Mynihut, ku liderët dhe ministrat botërorë po marrin pjesë në Konferencën e Sigurisë në Mynih, protestuesit u mblodhën rreth 200 metra larg nga vendi kryesor i konferencës për të kërkuar një armëpushim.
Dhjetëra mijëra protestues mbushën gjithashtu sheshin kryesor Dam në kryeqytetin holandez Amsterdam.
