Gjykata Kushtetuese ka caktuar 19 marsin si datën e seancës për shqyrtimin e kërkesës së kryebashkiakut të zgjedhur të Himarës Fredi Beleri.
Vendimi i Gjykatës Kushtetuese erdhi pas kërkesës së avokatëve mbrojtës për përshpejtimin e procesit.
Beleri ka kërkuar nga Gjykata Kushtetuese të shqyrtojë kërkesën e tij kundër vendimeve të gjykatave të shkallëve më poshtë që kanë kundërshtuar lirimin e tij për t’u betuar apo nuk e kanë lejuar të betohet në burg.
Fredi Beleri u arrestua dy ditë para zgjedhjeve lokale të 14 majit 2023. Ai akuzohet për blerje votash, diçka të cilën e ka mohuar me forcë.
