Një 27-vjeçar është arrestuar nga policia në Shkodër pasi ka goditur me thikë gjatë një konflikti një 22-vjeçar.
Sipas policisë 27-vjeçari është arrestuar pas disa orësh ndjekjeje.
Ngjarja ka ndodhur rreth orës 09:10, në lagjen “Skënderbeg”, pas një konflikti të çastit, për motive të dobëta. 22 vjeçari, banues në fshatin Hot i Ri, po merr asistencë mjekësore dhe është jashtë rrezikut për jetën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
