Me 65 vota pro, dhe tre kundër, Talat Xhaferi, është zgjedhur kryeministër i Maqedonisë së Veriut.
Ai do ta drejtojë qeverinë teknike për 100 ditë, duke u bëri shqiptari i parë që merr këtë pozitë.
Xhaferi bëhet kështu kryeministri i parë shqiptarë në RMV.
Opozita shqiptare nuk e votoi Talat Xhaferin si kryeministër teknik.
Liderët e partive të Lidhjes Europiane për Ndryshim – LEN-it, kishin njoftuar se deputetët e tyre nuk do të marrin pjesë në seancën e sotme të Kuvendit.
Edhe partia me e madhe maqedonase kundërshtoi zgjedhjen e Xhaferit si kryeministër duke e konsideruar si shkelës të rregullave gjatë kohës që drejtonte Parlamentin.
