Autoritetet italiane po hetojnë vrasjen e 39-vjeçarit shqiptar Bledar Dedja i cili u gjet i vrarë me thikë në një pyll pranë Trevizos në Itali.
Në trupin e tij u gjetën plagë të shkaktuara me thikë në kokë e gjoks ndërsa ai u gjet me pa pantallonat e ulura.
Pranë vendit ku u gjet trupi i 39-vjeçarit u gjet edhe makina tip Mercedes-Benz e parkuar pranë rrugës.
Ekspertiza mjeko-ligjore do përcaktojë nëse 39-vjeçari ka kryer marrëdhënie seksuale para se të qëllohej për vdekje me thikë.
Përveç plagëve në trup, 39-vjeçari kishte plagë me thikë edhe në duar, gjë që sipas policisë tregon se ai është përpjekur të mbrohet.
Arma e krimit nuk është gjetur ende. Dedja punonte e jetonte në Itali prej më shumë se 20 vitesh. Ai ishte i martuar dhe kishte dy fëmijë.
