Tetë shtetas të huaj, të gjithë shqiptarë, janë arrestuar me bileta dhe dokumente false në aeroportin e Malpensas në Milano, ndërsa po përpiqeshin të udhëtonin drejt Kanadasë.
Shqiptarët do të udhëtonin nga Malpensa drejt Mbretërisë së Bashkuar dhe Irlandës dhe më pas drejt Kanadasë, por u bllokuan në momentin e fundit nga policia e kufirit.
Ngjarja ka ndodhur fundjavën e shkuar.
Të gjithë shqiptarët mësohet se kanë vepruar në të njëjtën mënyrë.
Pasi janë paraqitur në pikën e kontrollit ata janë prezantuar me dokumente dhe biletën e imbarkimit nga Tirana dhe pasi kanë kaluar portën e imbarkimit për udhetimet direkte në Londër dhe Dublin aty janë pikasur me dokumente dhe biletë false.
Ndërkohë që një tjetër shqiptar po në fundjavë u kap duke tentuar të kalojë me dokumente false në perëndim.
