Zyrtarët e aeronautikës debutuan një aeroplan të ri supersonik të aftë të fluturojë më shpejt se shpejtësia e zërit dhe të arrijë nga Nju Jorku në Londër në tre orë e gjysmë.
Aeroplani supersonik X-59, i quajtur “biri i Concorde”, u prezantua nga NASA dhe Lockheed Martin të premten ndërsa një zyrtar i inovacionit tha se ata prisnin të rinovonin udhëtimet ajrore për udhëtarët në dy anët e Atlantikut.
Avioni Concorde, i cili mund të udhëtonte rreth 1350 milje në orë, u tërhoq rreth 20 vjet më parë pasi u fut në punë në vitin 1976, i rrënuar nga mirëmbajtja e kushtueshme dhe një përplasje fatale në vitin 2000.
Pasardhësit e tij të rinj mund të udhëtojnë 925 milje në orë ndërsa prodhojnë më pak zhurmë për shkak të risive në formë e teknologji, thanë zyrtarët.
Gjatë gjysmëshekullit të kaluar, SHBA dhe vende të tjera kanë ndaluar fluturimet supersonike për shkak të zhurmës së madhe të prodhuar kur avionët tejkalojnë shpejtësinë e zërit, e cila është 767 milje në orë, vuri në dukje NASA në një njoftim për shtyp.
