Qeveria izraelite miratoi të dielën emërimin e ministrit të Energjisë Yisrael Katz si ministër i Jashtëm i vendit.
Katz do zëvendësojë Eli Cohen, i cili do bëhet ministër i Energjisë sipas një marrëveshjeje me rotacion brenda Partisë Likud të kryeministrit Benjamin Netanyahu, raportoi gazeta Haaretz.
Zëvendësimi duhet të miratohet nga parlamenti i Izraelit.
Sipas marrëveshjes, Cohen do kthehet si ministër i Jashtëm në vitin 2026, nëse qeveria e tanishme është ende në pushtet.
Katz kishte shërbyer më parë si ministër i Jashtëm nga viti 2019 deri në vitin 2020.
