Policia e Kakavijës ka arrestuar me urdhër të AMP-së, 2 zyrtarë policie, nën akuzën e korrupsionit. Mësohet se pas hekurave ranë përgjegjësi i doganës dhe doganieri, ndërsa një tjetër punonjës i doganës, është shpallur në kërkim.
AMP ka dyshime se doganierë dhe efektivë policie ishin të përfshirë në skema korruptive në lidhje me procedurat e parregullta të zhdoganimit duke përfituar shuma parash.
Nga hetimet paraprake, dyshohet se 1 trajler, 4 kamiona të tonazhit të rëndë si dhe mjete të tjera të mbushura me mallra kaluan pikën kufitare pa kryer kontrolle si dhe duke i shmangur pagesave të zhdoganimit.
