Cigaret elektronike janë të dëmshme dhe popullore midis të rinjve. OBSH po jep alarmin duke paralajmëruar se është e nevojshme dhe urgjente të rregullohet përdorimi i cigareve elektronike (deri më sot, deri në 88 vende ende nuk e kanë bërë këtë). Me fushatat agresive të marketingut, duke përdorur karaktere vizatimore dhe shije të reja, industria e duhanit shtyn cigaret elektronike për të rekrutuar duhanpirësit.
Nëpërmjet mediave sociale dhe influencuesve, këto produkte arrijnë një audiencë të synuar të konsumatorëve nga mosha 8 vjeç, vëren OBSH.
“Këto cigare, të cilat janë absolutisht të paefektshme për ndërprerjen e duhanit, në kundërshtim me atë që pretendojnë ata që i projektuan ato,” tha kreu i promovimit shëndetësor të OBSH-së, Rudiger Krech.
Krech kujtoi gjithashtu se si industria e duhanit është përgjegjëse për 8 milionë vdekje në vit.
“Taktika e kësaj industrie,është se sapo zbulon një rënie të duhanpirësve, ajo përpiqet të rekrutojë duhanpirës të rinj dhe për ta bërë këtë, tani nxit cigaret elektronike. Kështu, të rinjtë bëhen viktima të atyre që i inkurajojnë të ‘vape’. Nuk është rastësi që OBSH ka gjetur një rritje të qartë të përdorimit të cigareve elektronike tek të rinjtë”, shtoi ai.
Në Kanada, për shembull, shkalla e përdorimit midis 16-19-vjeçarëve u dyfishua midis viteve 2017 dhe 2022 dhe u trefishua mes të rinjve në Britani gjatë tre viteve të fundit. Megjithëse efektet afatgjata shëndetësore nuk kuptohen plotësisht.
OBSH kujton se cigaret elektronike përmbajnë nikotinë dhe gjenerojnë substanca toksike, disa prej të cilave dihet se shkaktojnë kancer ose rrisin rrezikun e çrregullimeve të zemrës dhe mushkërive.
Së fundi, theksohet se përdorimi i cigareve elektronike në moshë të re mund të ndikojë në zhvillimin e trurit dhe të çojë në paaftësi në të mësuar.
VINI RE:Ky material është pronësi intelektuale e Tgcom24.
