Kombet e Bashkuara kanë miratuar një rezolutë duke bërë thirrje për një armëpushim të menjëhershëm humanitar në Gaza, përcjell Sky News.
Rezoluta nuk është ligjërisht e detyrueshme – por është shumë simbolike dhe treguese e pikëpamjeve të botës për konfliktin.
153 anëtarë votuan pro, 10 kundër dhe 23 abstenuan.
Një rezolutë e mëparshme në tetor me formulim të ngjashëm mori 121 vota pro, 14 kundër dhe 44 abstenime.
Formulimi i kësaj rezolute, e cila tashmë është miratuar, përfshin:
Thirrje për një armëpushim të menjëhershëm humanitar;
Duke kërkuar që të gjitha palët të respektojnë detyrimet e tyre sipas ligjit ndërkombëtar – veçanërisht në lidhje me mbrojtjen e civilëve;
Një kërkesë për lirimin e menjëhershëm dhe pa kushte të të gjithë pengjeve, si dhe sigurimin e aksesit humanitar.
Dy amendamente nuk kaluan përpara votimit mbi rezolutën, që do të thotë se anëtarëve u pyetën mendimet e tyre për formulimin e rezolutës siç u parashtrua fillimisht.
