Ministri rus i Transportit, Vitaly Savelyev tha të shtunën se Rusia ka humbur 76 avionë civilë në vitin 2022 për shkak të sanksioneve perëndimore, transmeton Anadolu.
“Ne u befasuam nga vendimi për të marrë avionët. Ne humbëm gjithsej 76 avionë pasagjerësh”, tha Savelyev në hapjen e ekspozitës “Rusia në lëvizje” në Moskë.
Sanksionet ndaj industrisë ruse të aviacionit u vendosën pas fillimit të “operacionit special ushtarak” të Rusisë në Ukrainë në shkurt të vitit 2022.
Konkretisht, SHBA-ja dhe Bashkimi Evropian kanë ndaluar dërgimin e avionëve dhe komponentëve në Federatën Ruse, si dhe u kërkojnë kompanive të kthejnë avionët tashmë të marrë me qira, të cilat sipas Bloomberg përbënin deri në 40 për qind të flotës ruse.
Si rezultat, avionët e linjave ajrore ruse u ndaluan në një numër vendesh të botës.
VINI RE: Ky material është pronësi intelektuale e AA.
