Argjentinasit kanë zgjedhur përfaqësuesin e ekstremit të djathtë Havier Milei, 53 vjeç, si presidentin e tyre të ri. Me pothuajse të gjitha votat e numëruara, Milei kishte fituar afër 56% në balotazhin vendimtar, përpara rivalit të tij të krahut të majtë, Sergio Massa, me 44%. Fitorja e të sapoardhurit radikal është përshkruar si ‘një tërmet politik’, shkruan BBC.
Ajo është mirëpritur nga politikanë të një mendjeje të tillë si ish presidenti i SHBA Donald Trump, i cili tha se Milei do ta ‘bënte Argjentinën të madhe përsëri’. Ish-udhëheqësi i Brazilit Jair Bolsonaro tha se ‘shpresa do të shkëlqente përsëri në Amerikën e Jugut’. Ndonjëherë i quajtur ‘El Loco’ (i çmenduri) nga kritikët e tij, zoti Milei ka premtuar ndryshime drastike, të cilat përfshijnë shkarkimin e monedhës vendase, pesos, për dollarin dhe ‘hedhjen në erë’ të bankës qendrore.
Ai ka propozuar gjithashtu shkurtimin e pagesave të mirëqënies dhe shkurtimin e burokracisë duke mbyllur ministritë e kulturës, grave, shëndetësisë dhe arsimit, ndër të tjera.
Në çështjet sociale, presidenti i zgjedhur dëshiron të lirojë ligjet e armëve, të shfuqizojë abortin, i cili u legalizua në Argjentinë në vitin 2020 – dhe të lejojë shitjen dhe blerjen e organeve njerëzore.
Fitorja e Milei vjen midis një krize të thellë ekonomike që ka parë inflacionin vjetor të rritet në 143% dhe 40% të argjentinasve që jetojnë në varfëri. Ndërsa sondazhet e opinionit të kryera para zgjedhjeve i kishin dhënë Milei një epërsi të lehtë ndaj Massa, kufiri i gjerë i fitores së tij, me më shumë se 11% sipas rezultateve të përkohshme, ka habitur shumë njerëz.
